सहकारी बचत फिर्ता गर्ने विषय नीतिगत रूपमा स्पष्ट हुनुपर्छः गोकुल बाँस्कोटा

काठमाडौं । नेकपा (एमाले)का सांसद गोकुल बाँस्कोटाले सरकारले सहकारीका बचतकर्ताको बचत फिर्ता गर्ने भनेको विषय नै अस्पष्ट रहेको बताएका छन् ।आज प्रतिनिधिसभा बैठकमा आउँदो आर्थिक वर्षको बजेटमाथिको सैद्धान्तिक छलफलका क्रममा उनले सहकारीका बचतकर्ताको बचत फिर्ता गर्ने विषय नीतिगत रूपमा नै स्पष्ट हुनुपर्नेमा जोड दिए ।

आउँदो आर्थिक वर्षको बजेटमा ‘बचत तथा ऋण सहकारी संस्थामा देखिएको समस्या समाधानका निम्ति समस्याग्रस्त सहकारीका सञ्चालक र एकाघरको परिवारको सदस्यका नाममा रहेको सम्पत्तिको धितोको सुरक्षणमा पाँच लाख रुपैयाँसम्मका बचतकर्ता सदस्यको रकम फिर्ता गर्ने व्यवस्था मिलाइने’ उल्लेख छ ।