पानीजहाज अफिस बन्द गर्न मेटमणि चौधरीको आग्रह

काठमाडौं । नेकपा (एकीकृत समाजवादी)का सांसद मेटमणि चौधरीले पानीजहाज अफिस बन्द गर्न आग्रह गरेका छन् । प्रतिनिधिसभा बैठक आगामी वर्षको बजेटमाथिको सैद्धानिक छलफलमा बोल्दै सांसद चौधरीले पानीजहाज कार्यालयको काम नभएको बताएका हुन् ।

पानीजहाजबाट उपलब्धि हासिल गर्न सक्दैनौ भने अफिस विस्थापित गरिदिउ भन्ने उनको धारणा रहेको छ ।
अहिले पनि २० करोड रूपैयाँ छुट्याएको भन्दै यो अनुत्पादक क्षेत्रमा बजेट छुट्याउन उपयुक्त नहुने उनको भनाइ छ ।

रेल ल्याएको धेरै वर्ष भइसकेको र प्रोजेक्टमा पैसा छुट्याइने गरेको पनि उनले बताए । अहिले त्यो रेल नचलाएर बेहुलीजस्तो घुम्टो ओढाएर राखिएकोमा पनि उनले आपत्ति जनाए ।