सुनको भाउ आज तोलामा १ हजार रुपैयाँले बढ्यो

काठमाडौं, २५ मंसिर  । सुनको मूल्य आज तोलामा १ हजार रुपैयाँले बढेको छ। नेपाल सुनचाँदी व्यवसायी महासङ्घका अनुसार आजको नयाँ दरअनुसार सुन २ लाख ५३ हजार १ सय रुपैयाँ प्रति तोला पुगेको छ।

हिजो यसको मूल्य २ लाख ५२ हजार १ सय रुपैयाँ थियो। यस्तै चाँदीको मूल्य समेत बढ्दै गएको छ। आज चाँदी तोलामा ५५ रुपैयाँले वृद्धि भई ३ हजार ८ सय ५ रुपैयाँ पुगेको महासङ्घले जनाएको छ।

हिजोको मूल्य ३ हजार ७ सय ५० रुपैयाँ थियो। महासङ्घका अनुसार चाँदीको आजको मूल्य अहिलेसम्मकै उच्च हो।