- २२ श्रावण २०८३, शुक्रबार / Aug 7, 2026
तनहुँ, २५ मंसिर । भिमाद नगरपालिकाले दूध उत्पादनमा आत्मनिर्भरता बढाउने उद्देश्यसँगै किसानलाई प्रतिलिटर १० रुपैयाँ अनुदान प्रदान गर्ने निर्णय गरेको छ।
नगरपालिकाका प्रमुख दधिराज सुवेदीका अनुसार ‘दूध उत्पादनमा आधारित प्रोत्साहन कार्यक्रम सञ्चालन कार्यविधि, २०८२’ बमोजिम किसानलाई प्रतिलिटर १० रुपैयाँ अनुदान दिने व्यवस्था गरिएको हो।
यसका लागि नगरपालिका र भिमाद कृषि उद्यम सहकारी संस्थाबीच औपचारिक सम्झौता गरिएको छ। सम्झौताअनुसार दूध उत्पादन गर्ने किसानलाई सहकारीमार्फत अनुदान रकम वितरण हुनेछ।
नगरपालिकाले दूधको मूल्यसमेत नयाँ दरमा निर्धारण गरेको छ। भदौ १ देखि माघ मसान्तसम्म:
खरिद मूल्य: ११० रुपैयाँ/लिटर, थोक बिक्री मूल्य: १२० रुपैयाँ/लिटर, खुद्रा बिक्री मूल्य: १३० रुपैयाँ/लिटर, फागुन १ देखि साउन मसान्तसम्म: खरिद मूल्य: ११५ रुपैयाँ/लिटर, थोक बिक्री मूल्य: १३० रुपैयाँ/लिटर, खुद्रा बिक्री मूल्य: १४० रुपैयाँ/लिटर ।
नगरपालिकाले किसानलाई प्रोत्साहन गर्ने र स्थानीय उत्पादनलाई संरक्षण गर्ने उद्देश्यले यस्तो योजना ल्याएको जनाएको छ।
