- २६ जेष्ठ २०८३, मंगलवार / Jun 9, 2026
काठमाडौं । रोल्पामा पहिरोले घर पुर्दा हजुर आमाको मृत्यु र नातिनी वेपत्ता भएकी छन् । हजुर आमा ७० वर्षीया बुसुना सुनारको मृत्यु भएको जिल्ला प्रहरी कार्यालय रोलपाले जनँएको छ ।
सुनछहारी गाउँपालिका ४ सिउरीमा देउसिंह कामीको घर गएराति पहिरोमा परेको हो । बुसुना सुनारको शव निकालिएको छ भने देउसिंहकी ४ वर्षीया छोरी भने भेटिएकी छैनन्।
देउसिंह र उनकी पत्नी कामको सिलसिलामा बाहिर रहेकाले जोगिएको प्रहरीले जनाएको छ। अहिले प्रहरी र स्थानीय उनको खोजी तथा उद्धारमा जुटिरहेका छन् ।
