- १६ जेष्ठ २०८३, शनिबार / May 30, 2026
काठमाडौं । स्याङ्जाको विशेष धार्मिक महत्व बोकेको वालिङ्ग ८ स्थित गह्रौ कालिका मन्दिर पछिल्लो समय आकर्षको केन्द्रकारुपमा परिचित बन्दै गएको छ । बाइसे चौबिसे राजाहरुले विशेष पुजाआजा गर्दै आएको उक्त एतिहासिक मन्दिरमा आवतजावतका लागि सडक तथा अन्य पूर्वाधार निर्माण भएपछि भक्तजनको संख्यामा बृद्धि हुदै भएको हो ।
समुद्री सतहदेखि १५ सय मिटरको उचाईमा अवस्थित गह्रौ कालिका मन्दिर क्षेत्र विशेष रुपमा मान्दै आएको थिए । १४ सय १५ सालमा स्थापना भएको प्राचिन मन्दिर आजभोली सडक तथा अन्य पूर्वाधार निर्माणसँगै बिभिन्न ठाउँवाट दर्शन गर्न आउनेहरुको संख्या बढ्न थालेको छ ।
वालिङदेखि करिब १० किलोमीटर दूरीमा रहेको गह्रौ कालीका मन्दिरमा बडा दशैं तथा चैते दशैंमा बिषेश धुमधामका साथ बाजागाजासहित पूजा गरिने भएकाले दर्शनार्थीहरुको निकै घुइँचो लाग्ने गर्दछ । धार्मिक महिमा मात्रै नभएर पर्यटकीय क्षेत्रलाई महत्व दिएर प्रचार प्रसार गर्न सके गह्रौं कालिका मन्दिर समग्र स्याङ्जा क्षेत्रको पहिचान बन्ने स्थानीयको भनाइ छ ।
