- ७ असार २०८३, आईतवार / Jun 21, 2026
गुल्मी । गुल्मीको रिडी–तम्घास पक्की सडक खण्डमा भएको बस दुर्घटनामा एक जनाको मृत्यु भएको छ । लु १ ख ८१७५ नम्बरको बस दुर्घटनामा १२ जना घाइते भएका छन् भने घाइते सबैको पाल्पामा उपचार भइरहेको छ।
पोखराबाट गुल्मी तम्घास आउँदै गरेको बस रिडीमा दुर्घटना हुँदा बसका सह–चालक ४० वर्षका युवराज कुँवरको मृत्यु भएको हो । कुँवरको पाल्पास्थित लुम्बिनी मेडिकल कलेजमा उपचारको क्रममा भएको भएको प्रहरीले जनाएको छ ।
बस सडकबाट अन्दाजी ६० मिटर तल खसेको प्रहरीले जनाएको छ । बसमा १३ जना सवार रहेको जिल्ला प्रहरी कार्यालय गुल्मीले जनाएको छ ।
