- २७ जेष्ठ २०८३, बुधबार / Jun 10, 2026
इलाम । सन्दकपुर गाउँपालिकामा एकजनाले श्रीमतिको हत्या गरी आत्महत्या गरेका छन् । गाउँपालिका–१ भित्तेका ४६ वर्षे उजबहादुर राईले धारिलो हतियार प्रहार गरी ४० वर्षीया फूलकुमारीको हत्या गरेको इलामका प्रहरी प्रमुख एसपी प्रभुप्रसाद ढकालले बताए ।
उजबहादुरले पत्नीको टाउकाको पछाडिपट्टि धारिलो हतियार प्रहार गरी बिभत्स हत्या गरेका हुन् । फूलकुमारीको शव घरभन्दा ६०–७० मिटर तल मूलबाटोमुनि फेला परेको छ भने उजबहादुरको शव नजिकै निबारोको रुखमा भुन्डिएको अवस्थामा भेटिएको एसपी ढकालले बताए ।
घटनाबारे थप अनुसन्धान भइरहेको र दुवैजनाको शव पोस्टमार्टमका लागि सदरमुकाम ल्याउन लागिएको उनको भनाइ छ ।
