- २४ भाद्र २०८३, बुधबार / Sep 9, 2026
एजेन्सी । लेबनानमा इजरायली आक्रमणबाट मृत्यु हुनेको संख्या चार सय ९२ जना पुगेको छ । मृतकमध्ये ३५ बालबालिका र ५८ महिला रहेको र १ हजार ६ सय ४५ जना घाइते भएका छन् । कति हताहत सर्वसाधारण वा लडाकुहरू थिए भन्ने यकिन भएको छैन ।
त्यहाँ भएको यो घटना २० वर्षको द्वन्द्वको सबैभन्दा घातक दिन भएको समेत जनाएको छ । हिजबुल्लाह पेजर र वाकी–टाकीहरु विस्फोट र बेरुतको दक्षिणी उपनगरहरूमा इजरायली आक्रमणमा ‘एक साताभन्दा कम समयमा’ करिब पाँच हजार मानिस घाइते भएको लेबनानका स्वास्थ्य मन्त्री फिरास अबियादले बताए ।
प्यालेस्टिनी लडाकू समूह हमासले इजरायलमाथि अहिलेसम्मकै सबैभन्दा खराब आक्रमण गरेपछि युद्ध सुरु भएको थियो ।
