ढुकुरपोखरीमा हिमपहिरो जाँदा जोखिमपूर्ण आवतजावत

मनाङ । ङिस्याङ गाउँपालिकामा हिमपहिरो गएको छ । ङिस्याङ १ ढुकुरपोखरीमा हिमपहिरो गएको हो । माथिल्लो मनाङ र तल्लो मनाङ आवतजावतमा जोखिम बढेको छ ।हिमपहिरोले सडक बन्द नभए पनि आवतजावत गर्न जोखिम बढेको प्रमुख जिल्ला अधिकारी सुवासकुमार लामिछानेले बताए ।

आइतबार भारी हिमपात भएपछि उक्त क्षेत्रमा हिमपहिरो आएको हो । हिमपहिराले माथिल्लो मनाङ जानक आउँन समस्या भएको छ । दैनिकरूपमा यहाँ ५० देखि ६० पर्यटक भित्रिन थालेको अन्नपूर्ण संरक्षण क्षेत्र आयोजना मनाङका प्रमुख ढकबहादुर भुजेलले बताए ।

किसानलाई हिमपात उपयुक्त भए पनि यससँगै आएको विपद्ले भने सकस बनाएको छ । हिमपहिराले नदीनालाको पानीको बहावलाई नरोकिएको र बाटो बन्द भने भएको छैन । हिमपातले अन्य क्षेत्रमा पनि हिमपहिरो जान सक्ने भएकाले सचेत रहन उनले अनुरोध गरेको छ ।