३१ औँ आईजीपी बन्न सफल दीपक थापालाई दर्ज्यानी चिन्ह प्रदान

काठमाडौँ । ३१ औँ आईजीपी बन्न सफल दीपक थापालाई दर्ज्यानी चिन्ह प्रदान गरिएको छ । नेपाल प्रहरीका नवनियुक्त महानिरीक्षक (आईजीपी) थापालाई गृह सचिव गोकर्णमणि दुवाडीले गृह मन्त्रालयमा आयोजित समारोहमा फुली लगाइदिएका हुन् ।

उनीसँगै आईजीपी हुने प्रतिस्पर्धामा सुदीप गिरी र टेकबहादुर तामाङ थिए । ३ जना प्रतिस्पर्धी मध्ये वरियतामा थापा एक नम्बरमा थिए । २०५२ भदौ १९ मा प्रहरी सेवामा प्रवेश गरेका थापा करिब ६ महिना प्रहरीको नेतृत्वमा रहन्छन् ।

सोमबार बसेको मन्त्रिपरिषद् बैठकले अतिरिक्त महानिरीक्षक (एआईजी) थापालाई आईजीपी नियुक्त गरेको हो । थापा प्रहरीको ३१ औँ आईजीपी बन्न सफल भएका छन् ।