- २८ बैशाख २०८३, सोमबार / May 11, 2026
काठमाडौँ, ०४ वैशाख । काठमाडौँ महानगरपालिकाका मेयर बालेन शाहले इखा पुखुको पुरानो लिच्छविकालीन अवस्थालाई पुनर्जनन दिने काम सुरु भएको बताएका छन्। यो ऐतिहासिक पोखरीको पुनर्निर्माणले काठमाडौँको जल प्रणालीलाई पुनर्स्थापना गर्ने उनको विश्वास छ।
३ करोड ६४ लाख रुपैयाँको लागतमा निर्माण भइरहेको यो पोखरी करिब साढे ७ रोपनी क्षेत्रफलमा फैलिएको छ। जसमध्ये ६ रोपनी क्षेत्र पानीका लागि छुट्याइएको छ। पोखरीको वरिपरि २ मिटर चौडा पैदल मार्ग बन्नेछ भने आकाशे पानी संकलन प्रणाली पनि जडान गरिनेछ।
बालेनका अनुसार, लिच्छविकालमा काठमाडौँको उत्तरी क्षेत्रपाटीमा पानीको स्रोत व्यवस्थापनका लागि यो पोखरी बनाइएको थियो। अब यसलाई पुरानै शैलीमा फर्काएर ऐतिहासिक र पर्यावरणीय महत्त्व जोगाउने प्रयास भइरहेको छ।
