- २५ भाद्र २०८३, बिहीबार / Sep 10, 2026
काठमाडौँ, २२ असाेज । इलाममा हालैको वर्षा ४० वर्षयताकै अधिक भएको छ, जसका कारण जनधनमा ठूलो क्षति भएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढीपहिरोका कारण इलाममा ठूलो क्षति भएको हो।
जल तथा मौसम विज्ञान विभागका तथ्याङ्कअनुसार, असोज १७ र १८ गतेको वर्षाले इलामको सूर्योदय नगरपालिकाको हिमाली गाउँ स्टेशनमा पूर्व रेकर्ड ब्रेक गरेको छ। यसअघि सन् १९८३ जुलाई १५ मा ३२०.६ मिलिमिटर वर्षा मापन भएको थियो भने यस वर्ष ३३२.६ मिलिमिटर वर्षा मापन भएको छ।
यस वर्ष इलाम, पर्सा र रौतहटमा पनि अति उच्च वर्षा भएको छ। रौतहटको गौरमा यसअघि ३०१.५ मिलिमिटर वर्षा भएकोमा यस वर्ष ३१५ मिलिमिटर मापन भएको छ। पर्साको वीरगञ्जमा यस वर्ष २९४.५ मिलिमिटर वर्षा भएको छ, जुन यसअघि २७३.२ मिलिमिटर थियो।
इलामको इलाम टि-स्टेटमा यस वर्ष २८० मिलिमिटर वर्षा भएको छ, जुन अघिल्लो २७३.२ मिलिमिटर थियो। उक्त क्षेत्रका वर्षाले विगतको रेकर्ड तोडेका हुन्। इलाममा बाढीपहिरोमा परी ३९ जनाको ज्यान गएको छ भने समग्र कोशी प्रदेशमा ४७ जनाले ज्यान गुमाएका छन्।
