- २३ असार २०८३, मंगलवार / Jul 7, 2026
एजेन्सी । इजरायली प्रधानमन्त्री बेन्जामिन नेतन्याहुले एक भिडियो वक्तव्य जारी गर्दै प्यालेस्टिनी लडाकू समूह हमासमाथि सैन्य दबाब बढाउने चेतावनी दिएका छन्। गाजामा बन्धक बनाइएकाको रिहाइका लागि सैन्य दबाब बढाउन लागेको उनले बताएका हुन्।
प्रधानमन्त्री बेन्जामिन नेतन्याहुले भनेका छन्, “हाम्रा बन्धकहरूलाई मुक्त गर्ने यो एक मात्र तरिका हमासमाथि सैन्य र राजनीतिक दबाब बढाउँने हो । किनभने यो नै हाम्रा बन्धकहरूलाई मुक्त गर्ने एक मात्र उत्तम विकल्प हो।”
नेतन्याहूले पटक पटक दक्षिणी गाजा शहर रफाहमा इजरायली सेनाले आक्रमण गर्ने बताउँदै आएका छन्। यस सरहमा अहिलेसम्म १५ लाखभन्दा बढी प्यालेस्टिनीले शरण लिइसकेका छन्। इजरायलमा हमासको अकल्पनीय आक्रमणका कारण एक हजार १७० जनाको मृत्यु भएको इजरायली आधिकारिक तथ्यांकमा उल्लेख छ भने करिब २५० जनालाई बन्धक बनाएका थिए।
इजरायलले गरेको जवाफी कारबाहीमा गाजामा ३४ हजारभन्दा बढीको मृत्यु भएको छ । मृत्यु हुनेमा अधिकांश महिला र बालबालिका छन्।
