- २२ भाद्र २०८३, सोमबार / Sep 7, 2026
काठमाडाैं, ११ असाेज । कारागार व्यवस्थापन विभागले भदौ २३–२४ मा ‘जेनजी’ आन्दोलनका क्रममा विभिन्न जेलबाट भागेका कैदीहरूलाई असोज २० गतेभित्र फर्कन आग्रह गरेको छ ।
विभागले गृह मन्त्रालय र सुरक्षा निकायको समन्वयमा ‘फरार बन्दी खोजी तथा पक्राउ कार्यदल’ गठन गरिएको जानकारी दिएको छ । भागेका कैदीलाई लुकाउने वा आश्रय दिने व्यक्तिलाई प्रचलित कानुनअनुसार कारवाही गरिने भन्दै सबैलाई सूचना दिन आग्रह गरिएको छ । कैदीसम्बन्धी अद्यावधिक विवरण जिल्ला कार्यालयमार्फत नियमित पठाउनुपर्ने व्यवस्था समेत गरिएको छ ।
सूचना संकलनको लागि सञ्चार माध्यम, सामाजिक सञ्जाल र अन्य माध्यम प्रयोग गरी कार्यदल वा सुरक्षा निकायको सम्पर्क विवरण सार्वजनिक गर्ने तयारी गरिएको छ ।
