जिप दुर्घटना हुँदा गुल्मीमा एक जनाको ज्यान गयो

काठमाडौं । गुल्मीमा जिप दुर्घटना हुँदा एक जनाको मृत्यु भएको छ । गुल्मीको भार्सेदेखि बुटवल आउँदै गरेको जिप दुर्घटना हुँदा एक महिलाको मृत्यु भएको हो ।

भार्सेबाट बुटवलका लागि छुटेको जिप पुर्तिघाटमा दुर्घटना भएको प्रहरीले जनाएको छ । मृतकको नाम ठेगाना खुलेको छैन । दुर्घटनामा परी घाइतेहरूलाई उपचारका लागि पाल्पा पठाइएको प्रहरीले जनाएको छ ।

जिपमा ७ जना सवार थिए । ग २ च ३२६२ नम्बरको जिप गुल्मी कालीगण्डकी गाउँपालिका–४ पुर्तिघाट ओकेङ भन्ने स्थानमा दुर्घटना भएको हो ।