थारु समुदायको झम्टा संरक्षण

नवलपरासी । गण्डकी प्रदेशमा एक मात्र थारु जातीको बसोबास रहेको पूर्वी नवलपुरमा मनाईने जितिया पर्व सुरु भएको छ । थारुहरुको जितिया पर्व सुरु भएसँगै अहिले थारु महिलाहरु गाउने ‘झाम्टा’ गीत हराउँदै जान थालेको छ । केही वर्ष अघि गाउँका प्रत्येक घरमा ‘झाम्टा’ गीत गाउँदै नाच्दै जितिया मनाउने प्रचलन थियो ।

पछिल्लो समयमा ‘झाम्टा’ नाँच हराउँदै जान थालेपछि थारु अगुवाहरु चिन्ति बनेका छन् । महिलाले परम्परागत रुपमा गाउँदै नाच्दै गर्दा अन्य समुदायका मानिसले माग्न आएको जस्तै गरी होच्चाउन थालेपछि संस्कृति हराँउदै गएको यसका जानकार बताउँछन् । थारुसमुदायले यसको संरक्षण गर्न प्रतियोगिता आयोजना गर्न लागिएको थारु कल्याणकारी समितिका केन्द्रीय सदस्य विरेन्द्र चौधरीले बताए ।

तराई क्षेत्रमा थारु समुदायको बाहुल्यता रहेको छ । सन्तानको दीर्घायुको लागि महिला पावन बस्ने दिनका रुपमा चिनिने पर्व जितिया हो । थारु समुदायका महिलाहरुले जितिया पर्वका अवसरमा प्रत्येक घर घरमा गएर गाँउने नाच्ने झाम्टा गीत र नाचको संरक्षणमा नगर स्तरीय, जिल्लास्तरीय रुपमै समूह दर्ता गरी आयोजना गर्दै आएको थारु कल्याण समिति कावासोतीका सभापति विकन कुमारी महतोले बताइन् । जितिया पर्वले महिलाको सांस्कृतिक भूमिका र महत्वलाई उजागर गर्ने विश्वास लिइएको छ ।