- २६ असार २०८३, शुक्रबार / Jul 10, 2026
मुख्य बुँदा
बालुवाटार जग्गा प्रकरणमा गगन पुरीसहित नौ जनालाई दोषी ठहर
पुरीलाई एक वर्ष कैद र २० लाख ८३ हजार ६ सय ७१ रुपैयाँ जरीवाना
सरकारी जग्गा व्यक्तिको नाममा सार्ने गिरोह सञ्चालन अभियोग
१३ जना नापी र मालपोत कर्मचारी दोषी ठहर
दोषी कर्मचारीलाई एक वर्षदेखि तीन महिनासम्म कैद र जरीवाना
काठमाण्डौ, २९ साउन । विशेष अदालतले झापाको बालुवाटार जग्गा प्रकरणमा माओवादी नेता गगन पुरीसहित नौ जनालाई भ्रष्टाचारमा दोषी ठहर गरेको छ।
विशेष अदालतका अध्यक्ष टेकनारायण कुँवर र न्यायाधीश मुरारीबाबु श्रेष्ठ तथा रितेन्द्र थापाको इजलासले दुईजना जग्गाधनीसहित मालपोत र नापीका कर्मचारीलाई दोषी ठहर गर्दै जरीवाना र कैदको फैसला सुनाएको हो।
पुरीलाई मुख्य अभियुक्त ठहर गर्दै अदालतले एक वर्ष कैद र २० लाख ८३ हजार ६ सय ७१ रुपैयाँ जरीवाना ठहर गरेको छ। उनी सरकारी जग्गा व्यक्तिको नाममा सार्ने गिरोह सञ्चालन गरेको अभियोगमा दोषी भएका हुन्।
विशेष अदालतले दुईवटा मुद्दामा गरी १३ जना सरकारी कर्मचारीलाई प्रभावमा पारेर सार्वजनिक जग्गा व्यक्तिको नाममा सार्ने धन्दा चलाएको ठहर गरेको छ।
दोषी कर्मचारीहरूमा तत्कालीन नापी कार्यालय झापाका प्रमुख नापी अधिकृत शशिकान्त झा, सर्वेक्षक सीताराम यादव, बिन्देश्वर पञ्जियार, नापी अधिकृत रामदेव मण्डल धानुक, सर्वेक्षक विष्णुदेव यादव, अमिन ललितकुमार मण्डल, नायब सुब्बा रुद्रप्रसाद श्रेष्ठ, सर्वेक्षक रामकुमार दास र सर्वेक्षक गणेशकुमार धिमाल समावेश छन्। अदालतले ती कर्मचारीलाई एक वर्षदेखि तीन महिनासम्म कैद र जरीवाना ठहर गरेको छ।
