- १२ बैशाख २०८३, शनिबार / Apr 25, 2026
काठमाडौँ, ३ पुष । झापामा जंगली हात्तीको आक्रमणबाट एक जनाको मृत्यु भएको छ। बिहीबार बिहान मेचीनगर नगरपालिका–४ बाहुनडाँडीस्थित खड्का डाँडा नजिकै जंगली हात्तीले कुल्चिँदा करिब ५५ वर्षीय पुरुषको घटनास्थलमै मृत्यु भएको प्रहरीले जनाएको छ।
मृतकको हालसम्म सनाखत हुन सकेको छैन। तर उनी भारतीय नागरिक हुनसक्ने आशंका गरिएको जिल्ला प्रहरीले जनाएको छ। घटनाबारे थप अनुसन्धान भइरहेको प्रहरीको भनाइ छ।
यसअघि पनि हात्तीको आक्रमणबाट मानवीय क्षति हुने क्रम रोकिएको छैन। गत शनिबार मोरङको सुन्दरहरैँचा नगरपालिका–१२ मा जंगली हात्तीको आक्रमणबाट ६० वर्षीय भवकृष्ण घिमिरेको मृत्यु भएको थियो।
वन क्षेत्र नजिकका बस्तीमा जंगली जनावरको गतिविधि बढ्दै जाँदा स्थानीयवासीमा त्रास बढेको छ।
