- २९ आश्विन २०८३, बिहीबार / Oct 15, 2026
काठमाडौँ । झापाको भद्रपुर नगरपालिका–१० सत्रविघेमा सिरिन्ज आक्रमण हुँदा एक जनाको मृत्यु भएको छ। अज्ञात व्यक्तिको आक्रमणबाट सोही स्थानका बासिन्दा खेम ढकालको ज्यान गएको हो।
जिल्ला प्रहरी कार्यालय झापाका अनुसार बिहीबार साँझ ढकाल छिमेकीको घरबाट आफ्नै निवासतर्फ फर्कने क्रममा अज्ञात व्यक्तिहरूको आक्रमणमा पर्नुभएको थियो। आक्रमणबाट गम्भीर घाइते हुनुभएका ढकाललाई उपचारका लागि अस्पताल लैजाँदै गर्दा बाटोमै मृत्यु भएको प्रहरीले जनाएको छ।
आक्रमणमा संलग्न भएको आशङ्कामा प्रहरीले सिरहाका २६ वर्षीय दीपेशकुमार सिंहलाई पक्राउ गरेको छ। जिल्ला प्रहरी कार्यालय झापाका प्रवक्ता खगेन्द्रबहादुर खड्काका अनुसार सिरिन्जमा प्रयोग गरिएको पदार्थबारे हालसम्म जानकारी प्राप्त भइसकेको छैन।घटनाबारे थप अनुसन्धान भइरहेको प्रहरीले जनाएको छ।
