- १२ बैशाख २०८३, शनिबार / Apr 25, 2026
काठमाडौँ, १३ असार । नुवाकोट जिल्लाको ककनी गाउँपालिका–१, भसिबुमा परेको बाढीले एक महिला बेपत्ता भएकी छिन्। बिमचना खोलामा आएको बाढीले बगाउँदा स्थानीय ३२ वर्षीया कमला बलामी बेपत्ता भएकी हुन्।
उहाँको खोजी कार्य जारी रहेको सशस्त्र प्रहरी बलका सहायक प्रवक्ता डीएसपी शैलेन्द्र थापाले जानकारी दिनुभयो। सोही स्थानमा पहिरोले तीनवटा गोठ बगाएको छ भने अशोक बलामी घाइते भएका छन्। उनलाई उद्धार गरी काठमाडौँ उपचारका लागि लगिएको सशस्त्र प्रहरीले जनाएको छ।
यसैबीच, डोल्पा जिल्लाको काईके गाउँपालिका–४ रिवामा गएको पहिरोले १५ वटा घरमा पूर्ण क्षति पुर्याएको छ।उक्त घटनामा तीन जना स्थानीय घाइते भएका छन् भने उनीहरूको अवस्था सामान्य रहेको सशस्त्र प्रहरीको प्रारम्भिक विवरणमा उल्लेख गरिएको छ।
