- १५ जेष्ठ २०८३, शुक्रबार / May 29, 2026
काठमाडौँ, १३ असार । इरानमा रहेका नेपाली नागरिकमध्ये ९ जना स्वदेश फर्किएका छन्। भारतीय दूतावास तेहरानको सहयोगमा उनीहरू नेपाल फर्किएका हुन्।
परराष्ट्र मन्त्रालयका अनुसार इरानस्थित १६ जना नेपालीमध्ये अहिले सम्म नौ जना स्वदेश फर्किसकेका हुन्। शुरुवातमा ११ जनालाई फर्काउने योजना रहे पनि एक जनाको कागजात नपुगेको र अर्कोको व्यक्तिगत कारणले इरानमै रोकिएको मन्त्रालयले जनाएको छ।
बाँकी पाँच जना नेपाली भने विभिन्न कानुनी मुद्दाका कारण इरानको कारागारमा रहेका छन्। उनीहरूलाई नेपाली दूतावास, दोहाको सहकार्यमा स्वदेश फर्काउन पहल भइरहेको परराष्ट्र मन्त्रालयले जानकारी दिएको छ।
यता, मन्त्रालयका अनुसार इरान र इजरायलबीच युद्धविराम भइसकेकाले ती क्षेत्रहरूमा रहेका नेपालीहरू सुरक्षित रहेको उल्लेख गरिएको छ। हाल इजरायलमा करिब ७,००० नेपाली रहेको अनुमान छ।
