- २९ श्रावण २०८३, शुक्रबार / Aug 14, 2026
कञ्चनपुर, २९ असार । कञ्चनपुरको कृष्णपुर नगरपालिका–१ निगालीमा छाउपडी गोठमा सुतिरहेकी एक महिलाको सर्पदंशबाट ज्यान गएको छ।
२८ वर्षीया कमला दमाईलाई गएराति करिब ८ बजेको समयमा करेत जातको विषालु सर्पले टोकेको थियो। उपचारका लागि कैलालीको धनगढीस्थित सेती प्रादेशिक अस्पताल लगिए पनि उपचारकै क्रममा उनको मृत्यु भएको हो।
स्थानीय सुचित्र सिंहका अनुसार कमला छिमेकीको घरछेउको छाउ गोठमा सुत्न गएकी थिइन्। दुई महिनाअघि मात्र भारतबाट घर फर्किएकी कमला पक्की घर भए तापनि अन्धविश्वास र सामाजिक परम्पराका कारण छाउपडी गोठमा बस्न बाध्य भएकी थिइन्।
यो घटना छाउपडी प्रथाका कारण हुने जोखिम र महिला हिंसाको गम्भीर उदाहरण भएको भन्दै स्थानीय समाजसेवीहरूले यसको अन्त्यका लागि आवाज उठाएका छन्।
