- ३० असार २०८३, मंगलवार / Jul 14, 2026
हेटौंडौं । नेकपा एमालले बागमती प्रदेशमा प्रतिनिधित्व गर्ने मन्त्रीको नाम टुङ्ग्याएको छ । मन्त्रीमा भक्तपुरबाट प्रतिनिधित्व गर्ने बागमती प्रदेशसभा सदस्य किरण थापा पनि परेका छन् ।
एमालेले काठमाडौंका प्रकाश श्रेष्ठ र अमन मास्के, ललितपुरका प्रेम भक्त महर्जन, भक्तपुरका किरण थापामगर, चितवनका कृष्ण सिलवाल र सिन्धुलीकी सुकमाया तामाङलाई मन्त्री बनाउन लागेको हो । नेकपा एमालेले बागमती प्रदेश सरकारमा सहभागी हुने ६ मन्त्रीको नाम टुंगो लगाएको हो ।
निवर्तमान मुख्यमन्त्री शालिकराम जम्मकट्टेलले राजीनामा दिएपछि नयाँ सरकार गठनको प्रक्रिया सुरु भएपछि नाम टुंगो लागेका प्रकाश श्रेष्ठबाहेक सबै नयाँ अनुहार हुन् ।
प्रकाश यसअघि उद्योग, वाणिज्य, भूमि तथा प्रशासनमन्त्री थिए । बागमतीमा कांग्रेस–एमाले गठबन्धनले आज नै मुख्यमन्त्रीका लागि दाबी पेस गर्ने छ ।
