- ३ आश्विन २०८३, शनिबार / Sep 19, 2026
काठमाडौैंं । चितवनको भरतपुर महानगरपालिका–२९ नारायणगढ–मुग्लिङ सडक खण्डको सिमलतालमा पहिरोसँगै बगेर त्रिशूलीमा खसेका दुई वटा बस तथा यात्रुको आज १२ औँ दिन पनि खोजी भइरहेको छ । घटनास्थल सिमलतालबाट घुमाउने हुँदै केदाबारीसम्म शङ्कास्पद वस्तु देखिएपछि दोहोर्याएर खोजतलास गर्न लागिएको हो ।
नेपालको सुरक्षाकर्मीसहित भारतको ‘राष्ट्रिय आपदा मोचन बल–नेशनल डिजास्टर रेस्पोन्स फोर्स’ बाट १२ जनाको प्राविधिक टोलीले संयुक्त खोजतलास गरिरहेको छ । प्रमुख जिल्ला अधिकारी इन्द्रदेव यादवकाअनुसार यो क्षेत्रमा राडरले शङ्कास्पद वस्तु देखाएपछि आज पुनः खोजतलास थालिएको छ ।
भारतीय टोलीले धमिलो बेगमा बगेको पानीमा कम काम गरेकाले कठिनाइ भइरहेको जनाउँदै उहाँले शङ्कास्पद वस्तु भएको अनुमानसँगै फेरि त्यही ठाउँमा खोजतलास थालिएको बताउनुभयो । यसअघि भेटिएका भनेका २५ वटा शवमध्ये सनाखत नभएका सातमध्येको एक शव यस घटनाभन्दा बाहिरको रहेको खुलेको छ ।
