बीआरआईबारे कांग्रेस एमालेको फरक कित्ता

काठमाडौं । दुई ठूला दलमध्ये कांग्रेसले चीनको बेल्ट एन्ड रोड इनिशटिभ (बीआरआई) को सहायता ऋणका रूपमा स्वीकार गर्न नसकिने बताएका छन् । यता प्रधानमन्त्रीको दलले भने अहिले नै सहायताको प्रारूपमा धारणा राख्ने समय नआएको जिकिर गरेको छ ।

बीआरआई अवधारणामा हस्ताक्षर गरेको सात वर्षमा समेत नेपालमा त्यसको सहायताको स्वरूप टुङ्गो नलाग्दा त्यसअन्तर्गतका परियोजना कार्यान्वयनमा जान सकेका छैनन् । कांग्रेस र एमाले सरकारमा रहँदा लामो समयदेखि अगाडि बढ्न नसकेको काम झनै सुस्ताउन थालेपछि आशङ्का उत्पन्न भएको छ ।

नेपाली कांग्रेसले बैठक बसेर बीआरआईको सहायतालाई ऋणका रूपमा स्वीकार गर्न नसकिने जनाएको थियो ।

प्रधानमन्त्रीको भिन्न धारणा
प्रधानमन्त्रीको दल एमाले विदेश विभाग प्रमुख राजन भट्टराईले भने ऋणको प्रारूपबारे के गर्ने भन्ने अवस्थामा नेपाल पक्षका कोही नरहेको बताउँछन्। मुलुकलाई निकास दिनका लागि सत्ता साझेदारी गरेको भन्दै त्यसमा तर्कसङ्गत बहसबाट निकास निकाल्न सकिने बताउँछन् ।