- २८ असार २०८३, आईतवार / Jul 12, 2026
काठमाडौं । प्रधानमन्त्री केपी शर्मा ओलीले अनेक प्रकारका शक्तिले राष्ट्रिय एकता भाँड्न खोजेको बताएका छन् । सोमबार च्यासलमा आयोजित नेपाल खेलकुद महासंघ केन्द्रीय कमिटीको तेस्रो बैठकमा ओलीले सरकार, देश असफल पार्न खोज्नेहरू हुन सक्ने भन्दै त्यसविरुद्ध बोल्न आग्रह गरे ।
उनले भिन्नतालाई कुरूप हुन दिन नहुने बताए । विविधतालाई दुरुपयोग हुन दिन नहुने ओलीको भनाइ छ । उनले खेलाडीमा जातको प्रतिनिधित्व भन्दा पनि खेलको प्रतिनिधित्व हुनुपर्ने पनि बताए ।
यस्तै ओलीले देशको प्रणाली उपयुक्त छरछैन भनेर छलफल गर्ने बेला नभएको बताएका छन् । उनले व्यवस्थालाई सुदृढ बनाएर लैजानुपर्ने बताए । उनले लोकतन्त्र छाडा शासन नभएको बताए । नीति, कानुन मान्दिनँ भन्ने सनकका अभिव्यक्तिले कहीँ नपुर्याउने उनले उल्लेख गरे ।
