ठगहरू प्रवेश गरेकाले सहकारी बदनाम भयोः ओली

काठमाडौं । नेकपा एमालेका अध्यक्ष केपी शर्मा ओलीले ठगेर खानेहरू प्रवेश गरेकाले ठूला सहकारी संकटग्रस्त बन्न पुगेको बताएका छन्। काठमाडौंको प्रज्ञा भवनमा पार्टीको महिला भेलालाई सम्बोधन गर्दै उनले ठगहरू प्रवेश गरेकाले ठूला सहकारी बदनाम बन्न पुगेको बताए।

सहकारी अपचलनबारे छानबिन गर्न संसदीय समिति बनेको छ। संसदीय समितिले २९ वटा सहकारीहरूको रकम अपचलन, हिनामिना, दुरूपयोगको अवस्था हेरेर तीन महिनाभित्र प्रतिवेदन बुझाउने छ।एमाले सांसद सूर्य थापाको नेतृत्वमा उक्त समिति बनेको छ।

समितिमा नेपाली कांग्रेसका सांसद बद्रि पाण्डे, ईश्वरदेवी न्यौपाने, माओवादी केन्द्रका सांसद लेखनाथ दाहाल, एमाले सांसद सरिता भुसाल, राष्ट्रिय स्वतन्त्र पार्टीका सांसद शिशिर खनाल र राष्ट्रिय प्रजातन्त्र पार्टीका सांसद ध्रुवबहादुर प्रधान सदस्य छन्।