- ३१ आश्विन २०८३, शनिबार / Oct 17, 2026
काठमाडौं । विपदजन्य जोखिम र महामारी व्यवस्थापनका लागि काठमाडौं महानगरपालिकाले २४ घण्टे हटलाइन सेवा शुरु गरेको छ। विपद् व्यवस्थापन विभाग, स्वास्थ्य विभाग र महानगर प्रहरी बलले सेवा प्रदान गर्नेछन्। वर्षाबाट सिर्जना हुने डुबान, बाढी तथा पानीजन्य समस्या व्यवस्थापन तथा समाधानका लागि विपद् व्यवस्थापन विभाग र महानगर प्रहरी बलले काम गर्नेछन्।
स्वास्थ्य विभागबाट डेंगु, हैजासहितका महामारीका रूपमा फैलिने रोगको उपचारका लागि परामर्श, सेवा सिफारिस र उपचार समन्वय प्रदान हुनेछ। यसका लागि पहिलो सम्पर्क स्थापित गर्न हटलाइन टेलिफोन २४ घण्टा खुला गरिएको छ। समस्या परे ९८५१३५६५०९ मा फोन गरे महानगर प्रहरी बलसँग सम्पर्क गर्न सकिने छ ।
यी दुवै समस्याको प्राथमिक उपचार र स्वास्थ्य सेवाबाट प्रदान गरिने उपचारका विषयमा हटलाइनबाट परामर्श दिइनेछ। यसका लागि हटलाइन ११८० र १६६००१०५५११ मा फोन गर्न सकिनेछ। साँझ ६ बजेपछि ११८० मा डायल गरेर ९ थिच्नुपर्छ। यो फोन स्वास्थ्यकर्मीले उठाउने छन्।
