- २२ भाद्र २०८३, सोमबार / Sep 7, 2026
ललितपुर, ९ भदौ । ललितपुरमा जिल्ला जनस्वास्थ्य समन्वय समितिको बैठक सम्पन्न भएको छ । कार्यक्रममा स्वास्थ्य सचिव डा. सुमित्रा गौतमले हालसम्मको स्वास्थ्य सेवा प्रवाह, सामुदायिक स्वास्थ्य व्यवस्थापन र आगामी चुनौतीबारे मार्गनिर्देशन दिँदै जनस्वास्थ्यलाई अझ सुदृढ बनाउन साझा प्रतिबद्धताको आवश्यकता औंल्याइन्।
उनले प्राथमिक स्वास्थ्य सेवा विस्तार, मातृ-शिशु स्वास्थ्य सुरक्षा, सरसफाइ र रोग निवारणका कार्यक्रमलाई प्रभावकारी बनाउन स्थानीय तह, जिल्ला जनस्वास्थ्य कार्यालय र स्वास्थ्यकर्मीबीचको सहकार्यलाई अझ मजबुत बनाउन आग्रह गरिन्।
बैठकमा जिल्लाका विभिन्न स्वास्थ्य शाखा प्रमुख, अस्पताल तथा स्वास्थ्य संस्था प्रतिनिधिहरूको उपस्थिति रहेको थियो। सहभागीहरूले आफ्ना क्षेत्रका स्वास्थ्य सेवा सम्बन्धी अनुभव, समस्या र आगामी कार्ययोजना प्रस्तुत गरेका थिए।
जनस्वास्थ्य ललितपुर परिवारले सचिव डा. गौतमलाई बैठकका क्रममा महत्वपूर्ण समय, विचार र मार्गनिर्देशनका लागि विशेष धन्यवाद तथा कृतज्ञता प्रकट समेत गरेको छ।
