- २१ कार्तिक २०८३, शनिबार / Nov 7, 2026
काठमाडौँ, १९ मंसिर । त्रिभुवन विश्वविद्यालय अन्तरराष्ट्रिय क्रिकेट रङ्गशालामा जारी दोस्रो संस्करणको नेपाल प्रिमियर लिग (एनपीएल) अन्तर्गत आज अपराह्न ४ः०० बजे लुम्बिनी लायन्स र जनकपुर बोल्ट्सबीच महत्वपूर्ण खेल हुँदैछ ।
छ खेलबाट छ अङ्क जोडेको लुम्बिनी लायन्सका लागि प्लेअफमा पुग्न आजको जित अत्यावश्यक मानिएको छ । यदि लुम्बिनीले जनकपुरलाई पराजित गर्न सफल भयो भने पोखरा एभेन्जर्स, चितवन राइनोज र जनकपुर बोल्ट्स प्लेअफ होडबाट बाहिरिनेछन् ।
जनकपुर बोल्ट्सले हालसम्म पाँच खेलमा दुई अङ्क मात्र जोडेको छ । यद्यपि टोलीले दुई खेल खेल्न अझै बाँकी भएकाले जनकपुरको पनि प्लेअफमा पुग्ने सम्भावना जीवितै रहेको छ ।
