- २७ जेष्ठ २०८३, बुधबार / Jun 10, 2026
काठमाडौं, १९ मंसिर । भारतीय प्रधानमन्त्री नरेन्द्र मोदीले रूसका राष्ट्रपति भ्लादिमिर पुटिनलाई रूसी भाषामा अनुवाद गरिएको धार्मिक ग्रन्थ गीता उपहार दिएका छन् ।
दुईदिने भारत भ्रमणका लागि नयाँदिल्ली पुगेका पुटिनलाई मोदीले बिहीबार भेटका क्रममा यो उपहार हस्तान्तरण गरेका हुन् । सोसल मिडिया प्लेटफर्म एक्समा मोदीले लेखेका छन्, ‘राष्ट्रपति पुटिनलाई रूसी भाषामा तयार गरिएको गीताको एक प्रति दिएको छु । गीताको शिक्षाले विश्वभरका लाखौं मानिसलाई प्रेरणा दिन्छ ।’
पुटिन बिहीबार नयाँदिल्ली आइपुगेका हुन् । उनी सवार विमान पालम एयरपोर्टमा अवतरण भएको थियो । स्वागतका लागि प्रधानमन्त्री मोदी आफैं एयरपोर्ट पुगेका थिए । औपचारिक स्वागतपछि दुवै नेता एउटै गाडीमा बसेर मोदीको आवासतर्फ गएका थिए ।
