सवारी दुर्घटनामा परि एक जनाको मृत्यु

दाङ । सवारी दुर्घटनामा परि दाङमा एक जनाको मृत्यु भएको छ । लमही भालुवाङ सडक खण्डको राप्त गाउँपालिका ५ कमलरोड नजिक रोल्पादेखि घोराही जाँदै गरेको पिकअप भ्यान र पश्चिम देखि पूर्व जाँदै गरेको मोटरसाइकल एकआपसमा ठोक्किएर भएको दुर्घटना भएको हो ।

मोटरसाइकल चालक राप्ती गाउँपालिका ८ पिपरी निवासी २७ बर्षिय सुनिल चौधरीको मृत्यु भएको जिल्ला प्रहरी कार्यालय दाङले जनाएको छ ।  चौधरीलाई उपचारको लागी लमही अस्पताल लगिएकोमा चिकित्सवकले मृत घोषणा गरेका थिए ।

भ्यान चालक शुद्वोधन गाउँपालिका २ बस्ने आस्वीन सुनार घाइते भएका छन् । उनको भैरहवामा उपचार भइरहेको छ । मृतक मोटरसाइकल चालकको शव लमही अस्पतालको शव गृहमा राखिएको छ ।