- ३१ आश्विन २०८३, शनिबार / Oct 17, 2026
काठमाडौ । बढी उमेर दावी गरिएकी बाटुलीको निधन भएको छ । नुवाकोटकी १२१ वर्षीया बाटुली लामिछानेको निधन भएको हो । ककनी गाउँपालिका–८ थानसिङ छापथोककी १२१ वर्षीया लामिछानेको शुक्रबार साँझ निधन भएको हो ।
बिरामी भएपछि वाटुलीले तीन दिन यता सामान्य खानेकुरा समेत खान छाडेकी थिइन् । अक्सिजनको मात्रासमेत कमी भएकी उनको आफ्नै निवासमा शुक्रबार साँझ निधन भएको पनाति श्याम ढुंगानाले बताए ।
चैत १० गते आफ्नो १२२ औं जन्मदिन मनाउने इच्छा गरेकी बाटुलीको निधन भएसँगै उनको नाम गिनिज बुकमा लेखाउने अभियान रोकिएको छ । उनको रातीनै पशुपति आर्यघाटमा अन्तिम संस्कार गरिएको आफन्तले बताएका छन् ।
