- २३ भाद्र २०८३, मंगलवार / Sep 8, 2026
धनगढी, १० मंसिर । नेकपा एमालेका नेता महेश बस्नेत धनगढी आउँदै छन भनेर सूचना सार्वजनिक भएलगत्तै स्थानीय ‘जेनजी’ युवाहरू सडकमा उत्रेर विरोध प्रदर्शन गरेका छन् । उनीहरूले प्ले – कार्डसहित बस्नेतको प्रवेशविरुद्ध बजार क्षेत्रमा नाराबाजी गरेका हुन् ।
आज दिउँसो एमाले निकट युवा संघको सुदूरपश्चिम प्रदेशस्तरीय भेलामा सम्बोधन गर्न बस्नेत धनगढी आउने कार्यक्रम रहेको छ । त्यसअघि नै जेनजी समूहले ‘गुण्डुको गुण्डा गो ब्याक’ तथा ‘जेनजीको रगतसँग खेलवाड गर्न पाइँदैन’ जस्ता नारासहित प्रदर्शन थालेका हुन् ।
विरोध तथा बस्नेतको सुरक्षालाई ध्यानमा राख्दै धनगढीका मुख्य सडक क्षेत्रमा नेपाल प्रहरी र सशस्त्र प्रहरीको ठूलो संख्यामा परिचालन गरिएको छ । बस्नेत विमानमार्फत धनगढी आउने तय भएको छ ।
