- २६ असार २०८३, शुक्रबार / Jul 10, 2026
काठमाडौं, १० मंसिर । प्रधानमन्त्री सुशीला कार्कीले आफ्नो सचिवालय हेरफेर गर्ने तयारी सुरु गरेकी छन् ।
सचिवालयका प्रमुख स्वकीय सचिव आदर्श श्रेष्ठ र अन्य सदस्यहरू विभिन्न विवादमा तानिएपछि प्रधानमन्त्रीले पुनर्गठनको निर्णय लिएको स्रोतले जनाएको छ । श्रेष्ठले केही दिनअघि आफ्नी श्रीमती र आफन्तलाई सचिवालयमा नियुक्ति गराएको प्रकरण बाहिरिएपछि कार्कीको नैतिकतामाथि प्रश्न उठेको थियो । साथै, श्रेष्ठमाथि सर्वोच्च अदालतमा कार्यरत रहँदा पेशी व्यवस्थापन र आर्थिक लेनदेनमा संलग्न भएको आरोप पनि रहेको छ ।
श्रेष्ठ प्रधानमन्त्रीको स्वकीय सचिव बन्नु अघि लामो समय सर्वोच्च अदालतको पेशी व्यवस्थापन शाखामा कार्यरत थिए । उनले प्रधानन्यायाधीशको सरकारी निवास बालुवाटारबाट पेशी तोक्ने कार्यमा समेत संलग्न थिए ।
स्रोतका अनुसार, विवाद बढेसँगै प्रधानमन्त्री कार्की सचिवालयको सदस्य फेरबदल र पुनर्गठनतर्फ सक्रिय भएकी छन्, जसले आगामी कार्यसम्पादनमा प्रभाव पार्ने अनुमान गरिएको छ ।
