- २७ असार २०८३, शनिबार / Jul 11, 2026
काभ्रे । नेकपा माओवादी केन्द्रले देशैभरका वडाहरुमा वडा सम्मेलन सम्पन्न गर्दैछ । अधिवेशनकै रुपमा पालिकास्तरमा, वडा सम्मेलन गरेको हो ।
यसैबीच बागमतीका १३ जिल्लामा आज वडा सम्मेलन सफल पारेको हो । काभ्रेको मण्डनदेउपुरको वडा नं ४ मा केन्द्रका केन्द्रीय सदस्य सन्तोष पौडेलको प्रमुख आतिथ्यतामा सम्मेलन सम्पन्न गरेको हो ।
सम्मेलनको उद्घाटन गर्दै विभिन्न जवस समिति गठन गरिएको छ । दिउसो १ बजे उद्घाटन गरिएको सम्मेलनमा वडास्तरसम्मै पार्टीको सदस्यता नवीकरण,
वडा सम्मेलन मार्फत सर्वसम्मत नेतृत्व चयन गर्न कार्यकर्तालाई निर्देशन दिए । कार्यक्रममा बोल्दै देशभरका ६ हजार ७ सय ४३ वडामा सम्मेलन हुन लागेकाे र आज बागमतीका १३ जिल्लामा एकसाथ सम्मेलन सम्पन्न भएको पौडेलले जानकारी दिए ।
विभिन्न कमिटि गठनः
मण्डनदेउपुर वडा नं ४ का वडा अध्यक्ष उत्तममणी सापकोटाको सभापतित्वमा सम्पन्न सम्मेलनबाट भेष बहादुर बिकको अध्यक्षतामा १७ सदस्यीय नगर पार्टी कमिटी सर्वसम्मत चयन गरेकाे छ ।
जानुका घर्तीको अध्यक्षतामा ११ सदस्यीय अनेमसंघ (क्रान्तिकारी), किरण घर्तीको अध्यक्षतामा १५ सदस्यीय वाइसीयल नेपाल, अनिल तामाङको सयोजकत्वमा १० सदस्यीय तामाङ मुक्तिमोर्चा र विष्णु सुनुवारको अध्यक्षतामा ७ सदस्यीय दलित राष्ट्रिय मुक्ति मोर्चा गठन गरेको हो ।
सम्मेलनमा गाेपाल घिमिरे, राममाया तामाङ, नेपाली काँग्रेस, नेकपा एकीकृत समाजवादीलगायतका पार्टी प्रतिनिधिहरूले सम्मेलन सफल्ताको शुभकामना व्यक्त गरेका थिए ।
