नेत्र भण्डारी र पूर्णकला बीसीको स्वरमा नयाँ लोकगीत ‘मेरो को छ र’ सार्वजनिक

काठमाडौं, ८ असार । नेपाली लोकसंगीतको सांगीतिक संसारमा नयाँ स्फूर्ति थप्दै, अनुभवी कलाकारहरूको समुहले “मेरो को छ र” नामक लोकगीत बजारमा ल्याएको छ। पूर्णकला बीसीको आधिकारिक युट्युब च्यानलमार्फत सबैका लागि सार्वजनिक गरिएको हाे ।

यो गीतमा पूर्णकला बीसी र नेत्र भण्डारीको मन छुने आवाजले मायाप्रेमका अनगिन्ती रंगहरू उजागर गरेका छन्। नन्दु परियारको सुरिलो लय र प्रकाश खड्का ‘काजी’को शब्दहरूले गीतलाई गहिरो अर्थ प्रदान गरेका छन् । गीतको म्युजिक एरेन्ज, मिक्सिङ र मास्टरिङ HBN किस्मतले तयार गरेका हुन् भने रेकर्डिङ 1DB HD Next Level Studio मा गरिएको छ।

“मेरो को छ र” को भिडियोलाई चर्चित कलाकार स्मृति तिमिल्सिनाले निर्देशन तथा कोरियोग्राफीमा जीवन्तता भरेकी छिन्। भिडियोमा टिका जैशी र रमेश बिश्वकर्माले प्रेम र पीडाका भावहरू यथार्थपरक रूपमा अभिव्यक्त गरेका छन्। राजेश घिमिरेको सिनेमाटोग्राफी, नविन घर्ती मगरको सम्पादन तथा कलरिङले गीतको सांगीतिक र दृश्यात्मक सौन्दर्यलाई उत्कृष्ट तहमा पुर्‍याएका छन्।

स्रष्टाहरू यस गीतलाई लोकसंगीतको अर्को सशक्त कलात्मक कोशेढुंगाको रूपमा लिएकाे छ । “मेरो को छ र”- गीत, जसले प्रेमको कथा मात्र होइन, माया र पीडाको गहिरो अनुभूतिको झल्को समेटेको छ ।