- २४ आश्विन २०८३, शनिबार / Oct 10, 2026
काठमाडौँ, २० असार । हाल देशभर मनसुनी वायु सक्रिय रहेकाले मधेस बाहेकका प्रदेशमा हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ।
महाशाखाका अनुसार गएराति सङ्खुवासभा, सिन्धुपाल्चोक र कास्की जिल्लामा भारी वर्षा भएको छ। पछिल्लो १२ घण्टामा सङ्खुवासभामा सबैभन्दा धेरै ८६.२ मिलिमिटर वर्षा मापन गरिएको छ।
महाशाखाका मौसमविद् हरिप्रसाद दाहालका अनुसार आज दिउँसो कोशी, बागमती, गण्डकी र लुम्बिनी प्रदेशका धेरै स्थानहरूमा र अन्य प्रदेशका केही ठाउँमा मेघगर्जन र चट्टयाङसहित भारी वर्षा हुने सम्भावना छ।
काठमाडौँ उपत्यकामा पनि दिउँसो मध्यम वर्षाको सम्भावना रहेको जनाइएको छ। यसैबीच, सिन्धुपाल्चोकको मेलम्ची नदीमा जलसतह बढ्न सक्ने र भिरालो तथा कमजोर जमिनमा पहिरोको जोखिम बढेकाले सतर्क रहन बाढी पूर्वानुमान महाशाखाले अनुरोध गरेको छ।
सुरक्षाका लागि जोखिम क्षेत्रका बासिन्दालाई सतर्कता अपनाउन तथा आवश्यक परे सुरक्षित स्थानतर्फ सर्न समेत महाशाखाले आग्रह गरेको छ।
