- १५ जेष्ठ २०८३, शुक्रबार / May 29, 2026
नवलपुरको हुप्सेकोट गाउँपालिका–३ मा मोटरसाइकलको ठक्करबाट शोभा सिग्देलको मृत्यु।
दुर्घटनामा इन्दिरा कोइराला र चालक निशान सिंह ठकुरी घाइते।
सिग्देलको उपचारको क्रममा चितवन मेडिकल कलेजमा निधन।
कोइरालाको अवस्था गम्भीर, चितवन मेडिकल कलेजमा उपचार जारी।
चालकले मादक पदार्थ सेवन गरेर सवारी चलाएको पुष्टि, कागजात नबोकी मोटरसाइकल चलाएको।
नवलपुर, २ साउन । नवलपुरको हुप्सेकोट गाउँपालिका–३ स्थित भुपती चोकको भित्री सडक खण्डमा मोटरसाइकलले ठक्कर दिँदा एक महिलाको मृत्यु भएको छ भने दुई जना घाइते भएका छन्।
गएराति गिरुवारीबाट वसन्तपुरतर्फ गइरहेको ग ७ प २७२१ नम्बरको मोटरसाइकलले पैदल हिँडिरहेकी ३५ वर्षीया शोभा सिग्देललाई ठक्कर दिएको जिल्ला प्रहरी कार्यालय, नवलपुरले जनाएको छ।
ठक्करबाट गम्भीर घाइते भएकी सिग्देलको चितवन मेडिकल कलेजमा उपचारको क्रममा मृत्यु भएको प्रहरी नायब उपरीक्षक (डीएसपी) मधु नेपालले जानकारी दिए। दुर्घटनामा सोही स्थानकी ३५ वर्षीया इन्दिरा कोइराला र मोटरसाइकल चालक हुप्सेकोट–२ निवासी निशान सिंह ठकुरी घाइते भएका छन्।
इन्दिरा कोइरालाको अवस्था गम्भीर रहेको र उनलाई प्राथमिक उपचारपछि चितवन मेडिकल कलेज रेफर गरिएको प्रहरीले जनाएको छ। चालक ठकुरीलाई सामान्य चोटपटक लागेको र स्थानीय मेडिकलमा उपचारपछि प्रहरीको नियन्त्रणमा लिइएको छ।
प्रारम्भिक अनुसन्धान अनुसार ठकुरीले मादक पदार्थ सेवन गरेर मोटरसाइकल चलाएको र सवारीसम्बन्धी आवश्यक कागजातसमेत नबोकेको पाइएको छ। प्रहरीले घटनासम्बन्धी थप अनुसन्धान गरिरहेको जनाएको छ।
