छोराले ढुंगा प्रहार गरी बाबुको हत्या

काठमाडौं । नवलपरासी पूर्वमा छोराले ढुंगा प्रहार गरी बाबुको हत्या गरेका छन्। बुधबार बिहानकावासोती नगरपालिका ५ ठकुरीचोकमा बुबा(छोराबीच झगडा हुँदा ढुंगा प्रहार हुँदा बुवा ४३ वर्षीय प्रेम कुमालको हत्या भएको हो।

जिल्ला प्रहरी कार्यालयका डिएसपी बेद पौडेलका अनुसार घरमा पालेको कुकुरलाई पिटेको विषयमा प्रेम र उनका १८ वर्षीय छोरा निराजनबीच झगडा भएको थियो। सोही विषयमा झगडा हुँदा निराजनले बाबुमाथि ढुंगा प्रहार गरेको डिएसपी पौडेलले बताए।

उनका अनुसार ढुंगा टाउकोमा लाग्दा प्रेमको घटनास्थलमै मृत्यु भएको थियो।