श्रीमानको कुटपिटबाट श्रीमतीको मृत्यु

काठमाडौं । महोत्तरीको महोत्तरी गाउँपालिका–१ सोनुखडामा श्रीमानको कुटपिटबाट श्रीमतीको मृत्यु भएको छ। स्थानीय ४५ वर्षीय हबिब नदाफले ३६ श्रीमती वर्षीया रोशना खातुनलाई कुटपिट गरी हत्या गरेको जिल्ला प्रहरी कार्यालयका प्रहरी उपरीक्षक नकुल पोखरेलले जानकारी दिए।

श्रीमतीसँगको घरायसी झगडामा हबिबले शनिबार रोशनालाई निर्घात कुटपिट गरेका थिए। शव परीक्षणका लागि प्रादेशिक अस्पताल जलेश्वर पठाइएको छ। घटनापछि फरार भएका हबिबको खोजी भइरहेको प्रहरीले जनाएको छ।