- १ आश्विन २०८३, बिहीबार / Sep 17, 2026
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र उपमहासचिव जनार्दन शर्माबीच सार्वजनिक कार्यक्रममै सवाल जवाफ चर्किदै गएको छ। माओवादी केन्द्रको काठमाडौं रुकुम पश्चिम सम्पर्क समितिको दोस्रो सम्मेलनलाई सम्बोधन गर्ने क्रममा यस्तो सवाल जवाफ चर्किएको हो ।
बिहानमात्रै खुमलटार पुगेर प्रचण्डसँग भेटेका उपमहासचिव शर्माले प्रचण्डसामु उनले बद्नाम गराउने प्रयास भइरहेको गुनासो गरे । अध्यक्ष प्रचण्डसामु भने, ‘पार्टीको उच्च तह र नेतृत्वको वरिपरिबाट देशभरि मैले पार्टी फुटाउँदैछ भनेर बदनाम गरिँदैछ ।
नेतृत्व वरिपरिबाट मेरो सीधा कुरा छ, त्यसमा उहाँको भूमिका कति छ छैन, उहाँले भन्नुहोला । त्यो कुराको खण्डन अध्यक्षले नै गर्नुपर्छ । म प्रत्येक पार्टी सदस्यसँग गएर कानेखुसी गरेर भन्न सक्दिनँ ।’ प्रचण्डलाई हटाएर आफ्नो अध्यक्ष बन्ने चाहना नभएको भन्दै पार्टीलाई समाप्त हुन नदिन प्रचण्डलाई वैचारिक धारको नेतृत्व गर्न सुझाव दिएको जनार्दनले बताए ।
नेता शर्माले आफूले १४ वर्षदेखि काम गरेको पार्टी छोड्ने सोच्न नसक्ने स्पष्टीकरण दिए । प्रचण्डलाई भने, ‘एमालेसँग एकता गर भन्नुभयो केपी ओलीको मान्छे भएँ, कांग्रेससँग सहकार्यको लागि वार्ता गर भन्नुभयो, म कांग्रेसको भएँ, माओवादीको हुने ठाउँ छ कि छैन अध्यक्ष कमरेड म ? म माओवादीको कहिले हुन्छु होला ? हुन पाउनुप¥यो नि ? ४८ वर्ष भइसक्यो पार्टीमा लाग्या, माओवादी हुन पाउनुपर्दैन म ? त्यसकारण तथ्य छाडेर भ्रम सिर्जना गरेर केही हुँदैन ।’
