- २८ असार २०८३, आईतवार / Jul 12, 2026
काठमाडौँ, ३ पुस । निर्वाचन आयोगले आउँदो माघ ११ गते हुने राष्ट्रियसभा सदस्य निर्वाचनका लागि मतदानस्थल तथा मतदान केन्द्र निर्धारण गरेको छ।
आयोगका प्रवक्ता एवं सह–सचिव नारायणप्रसाद भट्टराईका अनुसार हिजो सातवटै प्रदेशका लागि मतदानस्थल तोकिएको हो। आयोगले सबै प्रदेश राजधानी रहेका जिल्लामा मतदानस्थल रहने गरी व्यवस्था मिलाएको जनाएको छ।
निर्धारित प्रत्येक मतदानस्थलमा दुई वटा मतदान केन्द्र रहनेछन्। आयोगका अनुसार मतदान केन्द्र ‘क’ प्रदेशसभा सदस्यहरूका लागि र मतदान केन्द्र ‘ख’ गाउँपालिकाका अध्यक्ष–उपाध्यक्ष तथा नगरपालिकाका मेयर–उपमेयरका लागि तोकिएको छ।
राष्ट्रियसभा निर्वाचनलाई व्यवस्थित, सहज र पारदर्शी बनाउन आयोगले आवश्यक तयारी अघि बढाएको जनाएको छ।
