देशमा चार वायुको प्रभाव, केहि प्रदेशमा चट्याङसहित वर्षाको सम्भावना

काठमाडाैं, २ जेठ । जल तथा मौसम पूर्वानुमान महाशाखाले हाल देशमा पश्चिमी वायु, स्थानीय वायु, बङ्गालको खाडी र अरब सागरबाट आएको जलवाष्पयुक्त हावाको प्रभाव रहेको जनाएको छ। यसले कोशी, मधेस, बागमती र गण्डकी प्रदेशमा चट्याङसहित हल्का वर्षा भइरहेको छ।

मौसम पूर्वानुमान

दिउँसो: कोशी, बागमती र गण्डकी प्रदेशसहित पहाडी भूभागमा आंशिकदेखि सामान्य बदली, बाँकी क्षेत्रमा सफा देखि आंशिक बदली। कोशी, बागमती र गण्डकीका थोरै स्थानमा चट्याङसहित हल्कादेखि मध्यम वर्षा। उच्च पहाडी र हिमाली क्षेत्रमा हल्का हिमपातको सम्भावना।
राति: कोशी, बागमती, गण्डकी र लुम्बिनीका थोरै स्थानमा चट्याङसहित हल्का वर्षा। कोशी, बागमती र गण्डकीका हिमाली क्षेत्रमा हल्का हिमपात।

चट्याङसहितको वर्षाले दैनिक जनजीवन, कृषि, स्वास्थ्य, सडक र हवाई यातायातमा असर पर्न सक्ने भएकाले महाशाखाले सतर्कता अपनाउन अनुरोध गरेको छ।