अब तीन दिनभित्र लाइसेन्स पाइने

काठमाण्डौ । विदेश जानेले तीन दिनभित्र सवारी चालक अनुमति पत्र अर्थात् (लाइसेन्स) पाउने भएका छन् । अध्ययन तथा रोजगारी र शान्ति मिसनका लागि विदेश जाने नेपालीले तीन दिन भित्र लाइसेन्स पाउँने भएका हुन ।

निवेदकले सवारी चालक अनुमति पत्रको लागि अनलाइन पोर्टलमा अपलोड गरेका कागजातको सक्कल प्रति र अनलाइन निवेदनको प्रिन्ट लिइ विभागमा जानु पर्ने सूचनामा उल्लेख छ । विभागका अनुसार निवेदन स्वीकृत भएको मितिले ३ दिनभित्र स्मार्ट कार्ड छपाइ गरी वितरण हुनेछ ।

यस्तो कार्ड विभागको सहायता कक्षबाट वितरण हुने विभागले जनाएको छ । यस्ता नेपालीहरुले छिटो लाइसेन्स पाउन आउँदो १५ गतेदेखि applydinew.dptm.gov.np मार्फत् निवेदन दिन सक्ने यातायात व्यवस्था विभागले जनाएको छ ।