- १९ असार २०८३, शुक्रबार / Jul 3, 2026
काठमाडौं । पेरिस पारालिम्पिकमा चीनले पदक तालिकामा अग्रता कायमै राखेको छ । चीनले छैठौं दिनको समाप्तिसम्म ५३ स्वर्ण ४० रजत र २२ कास्य पदकसहित कुल १ सय १५ पदक जितेको छ । हिजो थप १० स्वर्ण जितेको हो ।
दोस्रो स्थानमा रहेको ग्रेट ब्रिटेनले ३० स्वर्ण १८ रजत र १३ कास्यसहित कुल ६१ पदक जितेको छ । ग्रेट ब्रिटेनका लागि यो अहिलेसम्मकै सबैभन्दा सफल पारालिम्पिक हो । तेस्रो स्थानको अमेरिकाले २० स्वर्ण सहित कुल ५३ पदक हात पारेको छ ।
२२ रजत र ११ कास्य पदक जितेको अमेरिकाकाले छौंटौं दिन थप ७ स्वर्णमा कब्जा जमायो । ब्राजिल १४ स्वर्ण ११ रजत र २३ कास्य सहित चौंथो स्थानमा रहेको छ । आयोजक फ्रान्स भने पाँचौं स्थानमा छ । ११ स्वर्ण १२ रजत र १५ कास्य सहित कुल ३८ पदक हात पारेको छ ।
इटाली, युक्रेन, अष्ट्रेलिया, नेदरल्यान्डस र उज्वेकस्थान क्रमिकरुपमा शीर्ष १० स्थानमा छन् । अहिलेसम्म सहभागी १ सय ६८ देश मध्ये ५३ देशले कम्तिमा १ स्वर्ण जितेका छन् भने ७२ देशले पदकको खाता खोलेका छन् ।
