टीकापुर विमानस्थल सञ्चालन गर्न सरकार पूर्ण रूपमा तयार

काठमाडौँ । टीकापुर विमानस्थल सञ्चालन गर्न सरकार पूर्ण रूपमा तयार रहेको जनाएको छ । सरकारले कैलालीमा रहेको टीकापुर विमानस्थल पुनः सञ्चालन गर्ने तयारी गरेको हो । विमानस्थल मर्मतको लागि सडक बन्द गर्ने व्यवस्था मिलाउन नगरपालिकालाई आग्रह समेत गरिसकेको छ ।

संस्कृति, पर्यटन तथा नागरिक उड्डयन मन्त्रालयले  एक पत्र लेख्दै विमानस्थल सञ्चालनका लागि स्थानीय तहबाट दुवैतर्फको बाटो बन्द गरी उचित सरसफाइ गर्ने व्यवस्था मिलाइदिन टीकापुर नगरपालिकालाई आग्रह गरेको छ ।