बालविवाहविरुद्ध कडा कारबाही हुनुपर्छः सांसद चन्दा कार्की

काठमाडौं । स्वतन्त्र पार्टीकी सांसद डां.चन्दा कार्कीले बालविवाह गर्ने र गराउने दुवैलाई कडा कारबाही गर्नुपर्ने माग गरेकी छन् । बिहीबार प्रतिनिधिसभा बैठकको विशेष समयमा बोल्दै सांसद कार्कीले यस्तो माग राखेकी हुन् ।

समाजमा बालविवाह ठूलो रोगको रूपमा रहेको भन्दै यसको विरुद्धमा कडाभन्दा कडा कानुनी कारबाही गरिनुपर्ने उनले बताएकी हुन् । उनले संविधान र कानुनमा बालविवाहलाई बर्जित गरिएको भए पनि कानुन कार्यान्वयन हुन नसकेको बताइन् ।

कुनै कानुनी कमजोरी भए परिमार्जन गर्न पनि सरकारलाई आग्रह गर्दै सांसद कार्कीले कानुन कार्यान्वयनमा फितलोपन देखाउने प्रशासनलाई पनि कारबाही गर्नुपर्ने बताइन् ।