- २ आश्विन २०८३, शुक्रबार / Sep 18, 2026
काठमाडौं । नेपाली कांग्रेसका नेता एनपी साउदले राजदूत नियुक्तिलाई गम्भीरताका साथ लिन सरकारको ध्यानाकर्षण गराएका छन् । प्रतिनिधिसभाको बिहीबार बसेको बैठकको विशेष समयमा बोल्दै साउदले राजदूत नियुक्तिलाई गम्भीरताका साथ लिन सरकारको ध्यानाकर्षण गराएका हुन् । उनले राजदूत फिर्ताको निर्णय फिर्ता लिन माग समेत गरे ।
राजनीतिक भागबण्डाका आधारमा राजदूत नियुक्त गर्ने र दलहरूले आवेदन नै निकाल्ने जस्ता कामले राजदूत नियुक्तिमा प्रश्न उठ्ने भन्दै सरकारले कुनै जानकारी नदिइ राजदूत फिर्ता बोलाउनुले कूटनीतिक र अन्तर्राष्ट्रिय क्षेत्रमा विश्वसनीयता घटेको उनले बताए ।
त्यस्तै उनले बीआरआईमा अनुदानलाई स्वीकार गर्नुपर्ने भन्दै बजारको सुनिश्चितता नभएसम्म ठूला परियोजनाहरूलाई ऋणका आधारमा अघि बढाउन नहुने धारणा राखे ।
